Sverri skal aftur til OL

Sverri skal aftur til OL
Fyri løtu síðan róði Sverri Sandberg Nielsen hálvfinalu í HM, har hann tryggjaði sær pláss í sjálvari HM finaluni og OL luttøku
Næsta summar er OL í París, og tá skal Sverri Sandberg Nielsen úr Miðvági aftur kappast í einkultskullara.
Mynd: Savnsmynd  
 
08.09.2023 - 09:31

Sverri Sandberg Nielsen skal aftur royna seg í einkultskullara á olympisku leikunum. Tað er greitt, eftir at Sverri róði ein flottan róður í hálvfinaluni í HM í Serbia í morgun.

Tað er eisini greitt, at sunnudagin skal rógvarin úr Miðvági rógva HM finalu í sínum einkultskullara.

 

Topp trý til OL

Tað var greitt frammanundan hálvfinalunum, at tríggir teir fremstu fara í A-finaluna og kvalifisera seg til OL 2024, meðan hinir fara í B-finaluna. 

Í hálvfinaluni hjá Sverra, stóð kappingin millum Holland, Ný Sæland og Sverra Sandberg Nielsen. 

Ný sælendarin legði væl fyri og var fremstur stóran part av hálvfinaluróðrinum. Sverri lá á øðrum plássi, meðan hollendarin var á triðja plássi.

Eitt skifti var Sverri á triðja plássi, men OL plássið var ongantíð í vanda. 

Og tá ið teir tríggir skullararnir fóru um málstrikuna, var hollendarin fremstur, Sverri nummar tvey og ný sælendarin nummar trý. 

Týskarin Oliver Zeidler róði í hinari hálvfinaluni, sum hann vann og hevur sostatt eisini tryggjað sær OL luttøku. 

Er kopiera
Nýggjastu sendingar í ÚV
Hósdag 18. juli
Morgunlestur hósdagur 18. juli 2024
177836
Mikudag 17. juli
Morgunlestur mikudagur 17. juli 2024
177835
Týsdag 16. juli
Morgunlestur týsdagur 16. juli 2024
177834
Mánadag 15. juli
Biltúrurin 5: Koyrt verður í Havn
176612
Nýggjastu sendingar í SV
Týsdag 16. juli
Veðrið
178118
Mánadag 15. juli
Hin rusuti á Aconcagua (3:10)
177771
Leygardag 13. juli
Føroyar - Montenegro (2-1)
178016
Leygardag 13. juli
Landsdystur: Føroyar - Montenegro
178015