Byggja neyvan í hesum árinum

Varðin Pelagic fer neyvan at byggja út á Tvøroyri í hesum árini.

Felagið er í holt við at gera eina umhvørvisárinskanning, sum skal latast Umhvørvisstovuni, sum so hevur hana til hoyringar á heimasíðuni hjá sær.

Hoyringarfreistin er fýra vikur. 

Alt hetta verður væntandi ikki liðugt fyrr enn síðst í árinum, sigur Bogi Jacobsen, stjóri. 

Varðin Pelagic hevur heldur ikki fingið byggiloyvi frá Tvøroyar kommunu enn.

Varðin Pelagic ætlar at byggja protein- og lýsiverksmiðju á Tvøroyri.