Setanarviðurskifti hjá aðalstjórum skulu endurskoðast

Løgmaður hevur sett nevnd at endurskoða lønar- og setanarviðurskiftini hjá aðalstjórum.

Nevndin verður væntandi liðug í november.

Ikki fyrr enn nevndin er liðug, vera tey trý aðalstjórastørvini, sum eru fyribils sett, lýst leys.

Talan er um aðalstjórarnir í Fiskivinnu- og Samferðslumálaráðnum, Umhvørvismálaráðnum og Løgmálaráðnum. Teir eru fyribilssettir frá januar í ár. 

Upprunaliga var ætlanin at lýsa størvini leys sum skjótast. Tey skuldu setast í summar.

Aðalstjórin í Uttanríkis- og Vinnumálaráðnum var settur í tíðaravmarkað starv í desember 2016.

Í 2021 var tíðaravmarkaða setanin longd trý ár.

Hetta stendur í ársfrágreiðingini hjá Landsgrannskoðanini fyri 2022.