Halda ikki reglur um at bjóða út á Keypsportalinum

Enn einaferð hevur Landsgrannskoðanin staðfest, at almennir stovnar halda ikki reglurnar um at bjóða út vørur og tænastur á Keypsportalinum.

Reglan er, at um keypið er størri enn 500.000 kr., skal tað bjóðast út alment á Keypsportalinum.

Men tað verður ikki altíð gjørt.  Og stovnarnir biðja heldur ikki um undantak. 

Landsgrannskoðanin sigur, at dømi eru um, at stovnar eru knýttir at einum veitara ella tænastusáttmála við veitara. 

Eisini er dømi um, at stovnar halda ávísar veitarar vera bestar at gera uppgávurnar. Ella, at tænastan er so serstøk fyri stovnin, at hon ikki kann bjóðast út millum fleiri.

Landsgrannskoðanin

Landsgrannskoðanin hevur latið løgtingsgrannskoðarunum ársfrágreiðing fyri 2022.

Fyrispurningar um tilboð

Ásett er eisini, at keyp millum 50.000 og 500.000 kr. uttan meirvirðisgjald kann avgreiðast við tilboðsfyrispurningi frá í minsta lagi tveimum veitarum.

Tílík keyp kunnu eisini vera boðin út á Keypsportalinum.

Landsgrannskoðanin hevur latið løgtingsgrannskoðarunum ársfrágreiðing fyri 2022.

Tíðaravmarkaðar lønir

Hóast rundskrivið um at tíðaravmarka lønir í landsroknskapinum kom í 2017, kann Landsgrannskoðanin í 2023 staðfesta, at enn eru nógvir stovnar og nógv aðalráð, sum ikki halda reglurnar. 

Tær vera tulkaðar ymiskt, og tíðaravmarkingin er tí ikki eins hjá øllum. 

Tað er ikki í lagi, heldur Landsgrannskoðanin.