Sníkar lumpa pengar frá fólki

17.09.2023 - 18:01
Innlendis112
Sníkar lumpa pengar frá fólki
Teldusníkar hava síðstu dagarnar roynt at lumpað føroyingar at flyta sær pengar, og tað verður gjørt á sannførandi hátt, enntá á feilfríum føroyskum máli.
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Mynd: Colourbox  

Politiið heitir á fólk um at vera á varðhaldi, nú teldusníkar royna at lumpa fólk til at flyta sær pengar. - Kannið skrásetingarnummarið hjá peningatovninum, sum er upplýstur, sigur politiið.

Onkur hevur síðstu tíðina sent fleiri fólkum boð, har viðkomandi biður tey flyta sær túsund krónur. Boðini eru skrivað á feilfríum føroyskum.

Mary Antonsdóttir var millum teirra, sum umhugsaði at flyta tær túsund krónurnar, hon varð biðin um í einum boðum á Messenger, men gjørdi tað kortini ikki.

Lumpa at flyta túsund krónur
Ikki øll hava verið líka árvakin sum Mary Antonsdóttir, tí In.fo visti fyrrapartin at siga frá eini kvinnu, sum hevði latið seg lumpað til at flyta grannanum, sum bað læna sær túsund krónur, pengarnar.

Vakthavandi á politistøðini sigur, at tey fara at kanna málini. - Men fyri at fáa upplýsingar frá bankum, skal dómaraúrskurður til, og tað kann tí taka sína tíð, sigur vakthavandi.

Mælt verður fólki til at kanna skrásetingarnummarið á viðkomandi kontu, tí er talan til dømis um eitt skrásetingarnummar, sum ikki er føroyskt, er tað neyvan grannin, sum biður um pengar.

 
Er kopiera
Nýggjastu sendingar í ÚV
Mikudag 30. juli
Morgunlestur mikudagur 30. juli 2025
194901
Týsdag 29. juli
Ringreiðin
195039
Týsdag 29. juli
Ólavsøka í Studio 4
195035
Nýggjastu sendingar í SV
Týsdag 29. juli
Upp á gólv - Ólavsøkudag
195038
Týsdag 29. juli
Tingið verður sett
195033
Týsdag 29. juli
Guðstænasta úr Havnar kirkju
195031
Mánadag 28. juli
Á Ólavsøku 2025
195019
Mánadag 28. juli
Ólavsøkan verður sett 2025
195018