Samskiftistænastur verða avbrotnar

Í nátt millum klokkan eitt og trý verða allar samskiftistænastur í Árnafirði, Norðtoftum, Depli, Norðdepli, Hvannasundi, á Viðareiði, í Fugloy og Svínoy avbrotnar.

Tað boðar Net frá á heimasíðuni.

Talan er um kaðalumlegging, sum fer at ávirka samskiftistænasturnar, so fyrsta hálva tíman er alt samband burtur, men síðan kemur tað aftur so líðandi øki fyri øki.

Hvannasunds kommuna boðar á heimasíðuni frá, at tilbúgvingin í Norðoyggjum hjálpir til við at hava satelitt-telefon og møguliga eisini VHF.

Koyrandi verður í tunlunum alla tíðina, meðan arbeiðið verður gjørt.