Evropeisk reiðarí: Føroyingar og norðmenn fiska ov nógvan makrel

Felagið hjá reiðaríum í Evropa, Europêche, finst hvassliga at Føroyum og Noregi fyri at fiska alt av nógvan makrel, so nógvan, at stovnurin er hóttur.

Felagið sigur, at kvoturnar, sum føroyingar og norðmenn geva sær sjálvum, eru alt ov stórar og heldur ikki rættvísar móti øðrum londum, sum fiska makrel.

Norðmenn vera eisini skuldsettir fyri at brúka veiðirættindi, teir ikki eiga, í samráðingum við Bretland. 

Mjøl og lýsi

Føroyingar vera skuldsettir fyri at fiska í altjóða sjógvi, tá makrelurin er illa fyri, eftir at hava gýtt. 

Nógv av tí fiskinum, tveir triðingar, fer til mjøl og lýsi og ikki til matna, sigur Europêche.

Felagið heitir inniliga á ES um alt fyri eitt at gera okkurt, sum felagið sigur: steðgar ábyrgdarloysi føroyinga og norðmanna, millum annað skipa fyri handilsforðingum.