Viðgongur roknivillu, men hon verður ikki rættað

Villan snýr seg um kunning og broytir ikki, hvussu nógv heilsuhjálparar áttu at fingið í lønarlyfti, sigur Ruth Vang, landsstýriskvinna

Ruth Vang er landsstýriskvinna í fíggjarmálum.

Marjun Dalsgaard

21.09.2023 - 13:19

Fíggjarmálaráðið hevur gjørt eina roknivillu í tølunum, sum vóru løgd fyri heilsuhjálpararnar, tá lønarlyftið var avtalað.

Tað viðgongur Ruth Vang, landsstýriskvinna í fíggjarmálum.

Villan verður kortini ikki rættað við at geva heilsuhjálparanum meira, sigur hon.

Framskrivingarnar hjá Fíggjarmálaráðnum vístu, at heilsurøktararnir endaðu á eini løn, sum er 32.500 kr., meðan heilsuhjálpararnir endaðu á 30.500 kr.

Men framrokningarnar skeivar, tí heilsurøktararnir endaðu á 33.491 krónum, tá avtornaði.

Mary Antonsdóttir

Mary Antonsdóttir er forkvinna í Heilsuhjálparafelagnum.

Forkvinnan hjá heilsuhjálparunum sigur, at Fíggjarmálaráðið økir gjónna millum heilsurøktarar og heilsuhjálparar við lønarlyftinum, og eigur tí at rætta mistakið.

Feilurin snýr seg um kunning, og broytir ikki, hvat heilsuhjálparar áttu at fáa í lønarlyfti, sigur Ruth Vang

Hoyr innslag í útvarpstíðindunum:

Lonarlyft