Ikki loyvt at seta oljufýr upp í nýggjum bygningum

Frá 1.januar næsta ár er ikki loyvt at leggja inn oljufýr ella annan útbúnað, sum brúkar olju, gass, kol ella aðrar steinrunnar oljuúrdráttir til upphiting í nýggjum bygningum.

Tað stendur í kunngerð, sum júst er komin í gildi.

Har stendur eisini, at tíðaravmarkað undantak kann gevast, tá ikki ber til at binda í elnetið hjá SEV.

Skulu tey, sum ætla sær at byggja, sleppa undan treytini í nýggju kunngerðini, skulu tey søkja um byggiloyvi fyri 1.november.