Dalstunnilin skotin ígjøgnum í november

Dalstunnilin verður skotin ígjøgnum í november.

Tað upplýsir Dennis Holm, landsstýrismaður, í svari til Sólvit Nolsø, løgtingsmann. 

Fyrsta skotið var latið av 5. november í 2020.

Næsta ár verður hildið fram við arbeiðnum inni í tunlinum og at gera tunnilsvegin.

Breiðka vegin 

Ætlanin er at breiðka verandi vegir báðumegin tunnilin, soleiðis at tað verður høgligari at koyra.

Partur av vegnum í Húsavík er breiðkaður, men arbeiðið er ikki liðugt enn. Ætlanin er fyrst at breiðka vegin, har landið longu eigur økið fram við vegnum.

Tað hevur við sær, at vegurin ikki fær fulla breidd allan vegin, men møguleiki er at  gera hetta seinni, um tørvur er á tí, sigur Dennis Holm.

Dalstunnilin verður 2.165 metrar langur, og tilhoyrandi vegagerð  er 300 metrar.