Ruth Vang: Vit eru til at tosa við

- Eg eri ómetaliga hørm um, at semingsuppskotið, sum vit góðtóku bleiv vrakað av Sjúkrarøktarfelagnum.

Soleiðis sigur Ruth Vang, landsstýriskvinna í fíggjarmálum, nú Felagið føroyskir sjúkrarøktarfrøðingar hevur boðað frá, at felagið fer at herða verkfallið, sum byrjaði fyri seks døgum síðani. Frá mánadegnum, í ovurmorgin, fer verkfallið eisini at fevna um skurðambulatoriið B3, á Landssjúkrahúsinum.

Landsstýriskvinnan í fíggjarmálum leggur dent á, at Fíggjarmálaráðið er til at samráðast við.

Mánadagin, 9. oktober, fer Landssjúkrahúsið at biða um undantøk í samband við herda verkfallið, sum fevnir um skurðambolatoriið á B3.