- Tíðindi, mentan og ítróttur
Føroya rættur tekur í egnan barm
Føroya rættur tekur í egnan barm
Henrik Møller, sorinskrivari, sigur, at talan er um eitt menniskjaligt mistak, og tí skal stóra hassjmálið ganga umaftur
Henrik Møller, sorinskrivari
20.10.2023 - 13:06
Føroya rættur tekur í egnan barm, nú stóra hassjmálið skal ganga umaftur, har tveir menn fyrst í tríatiárunum eru ákærdir fyri at hava smuglað tilsamans stívliga 25 kilo av hassji til Føroya.
Tá rættarfundurin byrjaði mikumorgunin, avgjørdi Peter Flügge at fara frá sum rættarformaður. Hann metti, at hann var ógegnigur í hesum málinum.
Rannvá Ragnarsdóttir tók síðani við sum rættarforkvinna.
Føroya rættur.
Men hetta góðtóku verjarnir ikki, tí teir mettu at gegnið hjá henni heldur ikki var í lagi.
Spurningurin um gegnið endaði tí í landsrættinum.
Og í gjár gjørdi Eystari landsrættur av, at Rannvá Ragnarsdóttir og dómsmenninir vóru ógegnigir, og skulu víkja sæti.
- Talan er um eitt menniskjaligt mistak, sigur Henrik Møller, sorinskrivari, sum harmast um støðuna:
20102023_Henrik_Moller
Er kopiera
Nýggjastu sendingar í ÚV
Nýggjastu sendingar í SV
