Kvívíkingar stovnað svimjifelag

Nevndin í Svimjisambandinum samtykti hóskvøldið at góðkenna Svimjifelagið Hellifoss í Kvívík sum lim í Svimjisambandi Føroya.

Hellifossur er nýstovnað svimjifelag og fyrsta av sínum slag í Kvívíkar kommunu. 

Svimjifelagið Hellifossur hevði stovnandi aðalfund hin 5. oktober, har nevnd varð vald og viðtøkur samtyktar, sum eru grundaðar á standardlógir hjá ÍSF fyri nýggj ítróttarfeløg.

Sjey virkin svimjifeløg eru nú í Føroyum. 

Trýst á pílin undir myndini fyri at hoyra eina samrøðu  við Sára Midjord, stigtakara og forkvinnu, um nýggja svimjifelagið.