Sperdur løgmaður í minniluta

21.10.2023 - 18:48

Innlendis›Politikkur

Tað harmar Aksel V. Johannesen, løgmann, at vera komin í minniluta í egnari stjórn. Tó fær tað ikki avleiðingar fyri samgonguna

John Johannessen

0 seconds of 0 secondsVolume 90%

00:00

Her hittir Aksel V. Johannesen Volodemyr Zelenskyj. Russisku ræðuleikarnir í Ukraina gera, at løgmaður ikki vil samráðast við russar um fiskiveiðuavtalu. Men hann er komin í minniluta í egnari stjórn.

Javnaðarflokkurin hevur eftir floksleiðslufund í dag enn einaferð staðfest, at flokkurin er ímóti at samráðast við russisku stjórnina um fiskivinnusamstarv. Hetta er eitt stórt og týdningarmikið mál fyri Javnaðarflokkin. Men stjórnarflokkurin megnar ikki at fáa undirtøku fyri politikkinum.

Hetta harmar Aksel V. Johannesen, sum heldur, at onnur mugu meta um, hvat hetta ger við hansara trúvirði sum løgmaður.

Hoyr longri samrøðu við Aksel V. Johannesen, løgmann, sum var gestur í útvarpsstovuni leygarkvøldið.