Føroyska fótbóltslandsliðið við kvinnum er saman í løtuni í sambandi við Nations League-dystir móti Aserbadjan og Kypros.

Eyðvør Klakstein er í hópinum, og hon hevur góðar vónir til hesar dystirnar. Munurin á liðunum er ikki stórur, og tí fara Føroyar eftir øllum stigum.

Eyðvør vísir eisini á, at liðið er í eini spennandi menning, nu Signe Pries Andersen hevur tikið við starvinum sum høvuðsvenjari.

Nú leggja vit okum í størri mun eftir at hava bóltin, og tað dámar mær væl, sigur hon.

Umframt at vera fótbóltsspælari hevur Eyðvør Klakstein eisini tikið bachelor í sálarfrøði á The Open University og master í ítrótta- og rørslusálarfrøði á Staffordshire University í Onglandi.

Serritgerðin snúði seg um, hví gentur gevast á ungdómslandsliðnum í fótbólti.

Ein trupulleiki er, at tær ofta mangla eitt greitt mál í fótbóltshøpi, vísir Eyðvør á. Annað er, at tær sakna tann góða felagsskapin og tí leita aðrar vegir.

Fleiri gentur fáast eisini við annan ítrótt, og tí vera ítróttagreinirnar samanbornar.