- Vit skulu gevast við at brúka kronologiskan aldur til at meta um fólk eru ung ella gomul.

Soleiðis sigur Magni Mohr, professari og granskari, tí nógv av teimum, ið eru komin upp í árini, eru so væl fyri, at talan ikki er um ein gamlan kropp, sjálvt um árini ikki lúgva.

- Vit síggja ikki fyrimunirnar við at hava nógv eldri, sum eru funktionel og aktiv á fleiri pallum í samfelagnum, men heldur sum ein belastning.

Tey eldru, sum talan er um her, eru í stóran mun tey, sum hava ansað eftir sær sjálvum við at hava ein sunnan lívsstíl. Tey hava etið góðan mat og hava vant rætt.

Beinbroyskni er ein vandi, sum bæði kvinnur og menn koma í, tá tey gerast eldri. Hjá kvinnum er tað serliga um skiftisárini, at vandin gerst størri, um ikki ein innsatsur verður gjørdur.

Tað eru serliga bóltspøl, badminton, fimleikur, gongd í náttúru, hockey og líknandi, sum eru góð fyri beinagrindina, tí tú tá rørir teg á ymiskan hátt, heldur enn bara at ganga ella renna beint fram.

Tú kanst við at venja soleiðis hjálpa beinagrindini við at endurnýggja seg sjálva, soleiðis at hon heldur seg unga, og kann enntá yngjast.