Skansabryggjan verður útbygd norðureftir

Nú verður bygt uttan fyri Skansan í Havn.

Tórshavnar býráð samtykti í gjár at játta eina millión krónur til at fyrireika og projektera verkætlan um at útbyggja Skansabryggjuna norðureftir.

Átta atkvøður vóru fyri. Tjóðveldi atkvøddi ímóti.

Sambært uppskotinum um útbyggingina verður ikki fylt út beint framman fyri Skansan. Har fara at vera bátabrúgvar.

Skansabryggjan

Gera veg

Ein vegur skal gerast, sum kemur út á vegin Yviri við Strond beint innan fyri hotel Havgrím.

Har verður ein brúgv, so bátar fáa siglt inn til bátabrúgvarnar.

Upprunaliga skuldi Skansabryggjan vera 163.000 fermetrar.

Men hon minkaði 68.000 fermetrar, tá verkætlanin var tillagað.

Skansabryggjan