11.novembur verður ráðstevnan StoicomX hildin í Finsen í Havn.

Hon snýr seg um stoisimu; ein heimsspeki- og lívslæra úr forna Grikkalandi, sum hevur vunnið seg fram aftur seinastu árini.

Tað eru Brandar Heðinsson og Ragnar Finsson, ið hava tikið stig til ráðstevnuna.

Henda læran er rættiliga gomul. Eini 2500 ár skulu vit aftur fyri at finna upprunan. Men kortini er tað ein sannroynd, at nógv fólk framvegis leita sær til stoisismuna.

Lykilin til javnvág og at hava tamarhald á sínum kenslum eru dygdir sum rættvísi, mátahald, vísdómur og dirvi.

Hetta eru dygdir, sum í dagsins samfelag ikki altíð eru í fremstu røð, halda fyriskipararnir.

Teir vísa eisini á, at nógv villeiðandi tilfar er á sosialu miðlunum, sum sigur seg vera stoiskt.

Víst verður til dømis á umstrídda, Andrew Tate, ið varpar broisimu út.

Henda læran gongur tó als ikki meginreglunum í stoisimuni á møti, vísa Brandar Heðinsson og Ragnar Finsson á.