Slímhindur í vánaligum standi, mislittar tenn og eymir tannhálsar.

Tað er veruleiki hjá alsamt fleiri ungum fólkum.

Orsøkin er snús.

- Tað er blivið meira vanligt, at vit sum tannlæknar síggja ymiskar skaðar í munninum hjá teimum ungu. Og hetta eru skaðar sum standast av snúsi, sigur Ingibjørg Hansen, tannlækni í Barna- og ungdómstannrøktini í Havn.

Sambært tannlæknanum tykist tað, sum at fleiri als ikki vita um teir skaðarnar, ið kunnu standast av at brúka snúsposar. Tí eru tannlæknarnir í Barna- og ungdómstannrøktini eisini farnir í størri mun at upplýsa børn og ung um snús, og hvussu tað ávirkar tannheilsuna.

Í morgunsendingini greiðir Ingibjørg Hansen frá snúsi og skaðunum, sum tannlæknar síggja í munninum hjá teimum ungu, sum snúsa.