Vinnunevndin viðger tøkugjøld mánadagin

Tað verður ikki fyrr enn mánadagin, at vinnunevndin kemur saman at viðgera uppskotið hjá Sambandsflokkinum, um at minka tøkugjaldið fyri góðskaðan laks. 

Sambandsflokkurin royndi annars í gjár at fáa tingið at víkja frá tíðarfreistunum, so at málið kundi avgreiðast í gjár, men meiriluti var ikki fyri hesum.

Uppskotið verður tí viðgjørt eftir vanligu tíðarfreistunum, og ætlanin var at byrja nevndarviðgerðina longu í dag. 

Erhard Joensen, formaður í vinnunevndini sigur, at tað ikki bar til at savna allar limirnar í vinnunevndini fyrr enn mánadagin.

Hetta broytir tó væntandi ikki tíðarætlanina, 2. onnur viðgerð av uppskotinum skal vera týsdagin, og 3. viðgerð síðst í næstu viku.