- Vit hava grátið nógv

16-11-2023

Fyrsti partur av fýra í heimildarrøðini “Sært tú meg?” verður at síggja í sjónvarpinum í kvøld eftir Dag og viku.

Ungdómsheimildarrøðin “Sært tú meg?” byrjar aftur í sjónvarpinum í kvøld. Tað eru Anna Joensen-Næs og Maria Winther Olsen, ið skipa fyri.

Tær viðganga, at tað viðhvørt er hart at vera í studio, tá ið tey ungu leggja sínar kenslur á blik.

- Tað er løgið at hugsa sær, at so nógv ung her á landi hava havt so ógvusligar upplivingar.

- Hetta er ein roynd at gera tað lættari at tosa um og seta orð á tað, so nógv okkara stríðast við, siga tær báðar.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500