Formaðurin visti ikki av, at undirskriftir vóru handaðar

Undirskriftirnar vóru upprunaliga handaðar 1. november, men tað sum síðani er hent, er at løgmálaráðið hevur givið einum óviðkomandi fólki undirskriftirnar, tí viðkomandi segði seg umboða flokkin, sigur Sámal Petur í Grund, formaður í Sjálvstýri.

Í dag vóru undirskriftirnar so aftur handaðar løgmálaranum. Tá var tað Sofus Hansen, kassameistari í Streymoyar Sjálvstýrisfelag, sum handaði undirskriftirnar

Óskiljandi

Sámal Petur í Grund, formaður í Sjálvstýri, skilir ikki, hvussu tað ber til, at løgmálaráðið hevur handað einum óviðkomandi fólki undirskriftirnar, sum skuldu tryggjað flokkinum rætt til at stilla upp til næsta løgtingsval.

- Eg havi vent mær til løgmálaráðið fyri at fáa greiðu á hesum, sigur Sámal Petur í Grund.

Hoyr samrøðuna við Sámal Petur í Grund, formann í Sjálvstýri