- Tíðindi, mentan og ítróttur
Sjúkrarøktarfrøðingar undrast
![](https://kvf.fo/sites/default/files/styles/news_xtra_xtra_large/public/arnbjorg-danielsen.jpg?itok=i9FoSyjG)
Tað hevur vakt ans, at í kjalarvørrinum á verkfallinum hjá sjúkrarøktarfrøðingunum í seks vikur, sum “bara” gav 10 prosent í lønarvøkstri, fáa onnur fakfeløg - uttan svørðslag - 12,75 prosent í lønarvøkstri.
Í gjár segði landsstýriskvinnan í fíggjarmálum, Ruth Vang, at lønarkarmurin kortini er akkurát tann sami, men at tað var hvílitíðin hjá sjúkrarøktarfrøðingunum, ið kostaði munin í lønarvøkstrinum.
Hetta er fallið fleiri sjúkrarøktarfrøðingum fyri bróstið, og ein av teimum, ið undrast, er Arnbjørg Danielsen, sum í 16 ár hevur starvast á B8 á Landssjúkrahúsinum.
Hon fegnast um, at hvílitíðin langt um leingi er komin inn í sáttmálan, tí hon skuldi verið ein grundleggjandi rættur í sambandi við arbeiðið.
Men hon skilir ikki, hví sjúkrarøktarfrøðingarnir sjálvir skulu fíggja hvílitíðina, tí tað verður bara enn ein skeivleiki, ið ger seg inn á reallønina.
Tak niður