Vónirnar um betri samband við Bretland eru góðar

Høgni Hoydal, landsstýrismaður í uttanríkis- og vinnumálum, og Leo Docherty, bretskur evroparáðharri, hittust á fundi í London fyrrapartin í gjár.

Landsstýrismaðurin og ráðharrin umrøddu millum annað ítøkiligar avbjóðingar í fríhandilssáttmálanum millum Føroyar og Bretland.

Harumframt umrøddu teir yvirskipað, hvussu samstarvið kann mennast á øðrum økjum, eitt nú innan grøna orkuskiftið, talgilding, ferðasambond, útbúgving og gransking, og tá ið ræður um trygd og verju.

Hoyr innslag í útvarpstíðindunum: 

Høgni Hoydal og Timothy Minto

Høgni Hoydal og Timothy Minto, verjumálaráðharri. 

Hitti eisini verjumálaráðharran

Høgni Hoydal hitti eisini í gjár Timothy Minto, ráðharra í verjumálum.

Landsstýrið raðfestir, at Føroyar taka virknan lut í samstarvi og avgerðum, ið hava trygdar- og verjupolitiskan týdning.

Ráðharrarnir vóru á einum máli um, at tað er natúrligt at menna samstarvið á verjuøkinum millum Føroyar og Bretland sum sameindar grannar, og at grundarlag fyri einum munagóðum samstarvið millum Føroyar og Bretland.

Til dømis hava flogfør og skip hjá bretsku verjuni seinnu árini alsamt oftari vitjað í Føroyum, umframt at samstarvsmøguleikar eru um lofteftirlit og um nettrygd.

Talan var um fyrsta ráðharrafund um verjumál millum Føroyar og Bretland.