Kringvarpið bloggar og sigur beinleiðis frá KÍ-dystinum á heimasíðuni

Kringvarp Føroyar hevur tíverri ikki rættindi at vísa dystirnar hjá KÍ í UEFA Conference League bólki A í sjónvarpinum.

Tað bleiv ov dýrt fyri stovnin, sum eisini flýtur tungt í sjónum fíggjarliga í løtuni. 

Roynt hevur verið at bera í bøtuflaka við støðuna her á heimasíðuni, har vit bæði hava bloggað og sagt beinleiðis frá heimadystunum hjá KÍ.

Kí, Kí vs Lille, Europa Conference League

Beinleiðis frásøgn á heimasíðuni

Dysturin mói Slovan Bratislava á Tórsvølli í kvøld klokkan 17.45 er einki undantak. 

Símun Christian Olsen og Jóannes Jakobsen fara at siga beinleiðis frá dystinum her á heimasíðuni. 

Leinkið til frásøgnina, sum byrjar klokkan 17.35, verður eisini at finna á forsíðuni. 

KÍ, Lille, Coneference League, KÍ-áskoðarar

Blogga eisini beinleiðis

Møguleiki verður eisini at fylgja við dystinum umvegis ein beinleiðis blogg her á heimasíðuni - ein liveblog, sum tað eitur á altjóða máli - frá klokkan 17.00. 

Uni Leitisstein Hansen, journalistur, og Bjarni Árting Rubeksen, myndamaður, vera á Tórsvølli og fara at royna at geva fólki eina eitt sindur øðrvísi uppliving av dystinum. 

Høvi verður eisini at seta spurningar, meðan bloggað verður, ið vit fara at royna at svara eftir førimuni. 

Síggjast her á heimasíðuni frá klokkan 17. 

Kí - Olimpija Ljubljana, Kí, 1:1