- Tíðindi, mentan og ítróttur
Runavík hevur kulfaktor 4,7
500 fólk um alt landið eru spurd í einari spurnakanning, sum Spyr.fo hevur gjørt fyri Kulfaktor Føroya, hvussu kul Runavík er á einum stiga frá 1 til 10, har 1 er "als ikki kul", og 10 er "sera kul"?
"Runavík er sum býur eyðkendur av stríðnum millum tey bleytu og tey hørðu virðini."
Nina Alberg, arkitektur
Úrslitið gjørdist, at Runavík, og her rokna vit Runavík, Saltangará og Glyvrar undir einum, hevur ein kulfaktor upp á 4,7.
|
Hvør er kulfaktorurin hjá Runavík? |
Everybody | Kvinnur | Menn |
| 1 - als ikki kul | 8,20 % | 4,24 % | 11,74 % |
| 2 | 5,00 % | 2,54 % | 7,20 % |
| 3 | 8,40 % | 7,20 % | 9,47 % |
| 4 | 10,60 % | 9,32 % | 11,74 % |
| 5 | 19,80 % | 17,37 % | 21,97 % |
| 6 | 18,20 % | 22,03 % | 14,77 % |
| 7 | 12,00 % | 14,41 % | 9,85 % |
| 8 | 6,00 % | 8,47 % | 3,79 % |
| 9 | 1,80 % | 2,12 % | 1,52 % |
| 10 - sera kul | 3,00 % | 2,54 % | 3,41 % |
| Veit ikki | 7,00 % | 9,75 % | 4,55 % |
Føroyingar seta Runavík í samband við handilslívið
Í spurnakanningini, sum Spyr.fo gjørdi fyri Kulfaktor Føroya, og har ið 500 fólk um alt landið eru spurd, spurdu vit eisini, hvat ið fólk seta í samband við Runavík.
"Runavík er jú fyrst og fremst ein ídnaðarbýur, men so er tað jú eisini ein handilsbýur og tænastubýur, og tú sært í veruleikanum ein samavavstur av øllum funktiónunum á ein lutfalsliga óskipaðan hátt. Orðið óskipaður er nakað, ið eyðkennir hetta økið."
Sámal Matras Kristiansen, samfelagsfrøðingur
Flestir føroyingar seta eitt fjølbroytt úrval av handlum í samband við Runavík. Vinnulív er næst á listanum, meðan trúarlív, harundir kirkjur og samkomur, eru nummar trý á listanum.
| Hvørjar av hesum yvirskriftum setur tú í samband við Runavík? | Everybody | Kvinnur | Menn |
| Fjølbroytt úrval av handlum | 53,60 % | 62,71 % | 45,45 % |
| Vinnulív | 53,00 % | 47,03 % | 58,33 % |
| Kirkjur og samkomur (trúarlív) | 45,20 % | 40,68 % | 49,24 % |
| Ítrótt | 32,20 % | 35,59 % | 29,17 % |
| Býarlív (kaffistovur, matstovur, náttarlív og tílíkt) | 20,80 % | 27,54 % | 14,77 % |
| Størri tiltøk | 14,60 % | 23,73 % | 6,44 % |
| Mentan og list | 13,80 % | 16,95 % | 10,98 % |
| Umhvørvi og grøn øki | 8,80 % | 11,44 % | 6,44 % |
| Einki av hesum | 8,60 % | 8,05 % | 9,09 % |
| Góð byggilist | 4,60 % | 4,24 % | 4,92 % |
| Fornminni | 1,40 % | 1,69 % | 1,14 % |
"Her í Runavík er nógv eftir at gera, áðrenn kulfaktorurin er komin upp á 10."
Tórbjørn Jacobsen, borgarstjóri
Hvat heldur tú? Hvør er kulfaktorurin hjá Runavík?
At vera kul (cool) kann merkja, at talan er um ein áhugaverdan, hendingaríkan og fjølbroyttan bý ella bygd – stutt sagt, at talan er um eitt gott og spennandi stað.
Hvat: Kulfaktor Føroya
Hvar: í útvarpinum
Nær: Týsdagar kl. 17.05
