![](https://kvf.fo/sites/default/files/styles/myndasavn-width/public/microsoftteams-image_2.png?itok=gWB31-0e)
- Tíðindi, mentan og ítróttur
Veljarakanning: Sambandsflokkurin og Fólkaflokkurin størstir
![](https://kvf.fo/sites/default/files/styles/grein-ovasta-mynd/public/logtingid_jolaprytt.jpg?itok=hhMe3Hzp)
Var val nú, høvdu Sambandsflokkurin og Fólkaflokkurin verið størstu flokkar á tingi, og samgonguflokkarnir høvdu mist tilsamans fimm tingsessir.
Tað vísir veljarakanning, sum Spyr.fo hevur gjørt fyri Kringvarpið.
Sambandsflokkurin og Fólkaflokkurin høvdu fingið níggju tingsessir í part og kundu sostatt skipað meirilutasamgongu einsamallir.
Sambandsflokkurin hevði fingið tveir sessir aftrat og Fólkaflokkurin tríggjar.
Spyr.fo fyri KvF 5. desember 2023 |
|||||||||
- um løgtingsval var í dag | |||||||||
Atkvøðubýti | Óvissa +/- | LV22 | Broyting | Tingfólk | LV 22 | Broyting | |||
Fólkaflokkin | 26,1% | 3,2% | 18,9% | 7,2% | 9 | 6 | 3 | ||
Sambandsflokkin | 28,1% | 3,3% | 20,0% | 8,1% | 9 | 7 | 2 | ||
Javnaðarflokkin | 18,7% | 2,9% | 26,6% | -7,9% | 6 | 9 | -3 | ||
Sjálvstýri | 1,8% | 1,0% | 2,7% | -0,9% | 0 | 0 | 0 | ||
Tjóðveldi | 13,9% | 2,6% | 17,7% | -3,8% | 5 | 6 | -1 | ||
Framsókn | 5,0% | 1,6% | 7,5% | -2,5% | 2 | 3 | -1 | ||
Miðflokkin | 6,4% | 1,8% | 6,6% | -0,1% | 2 | 2 | 0 | ||
Atkvøtt blankt | 3,3% | ||||||||
Ikki farið á val | 1,3% | ||||||||
Veit ikki | 11,6% | ||||||||
Í kanningini eru 500 fólk spurd | |||||||||
Samgongan | 37,6% | 51,8% | -14,2% | 13 | 18 | -5 | |||
Andstøðan á tingi | 60,6% | 45,5% | 15,2% | 20 | 15 | 5 | |||
Onnur | 1,8% | 2,7% | -0,9% | ||||||
Samgongan missir fimm
Javnaðarflokkurin hevði mist tríggjar tingsessir og fingið seks.
Tjóðveldi hevði mist ein sess og fingið fimm, Framsókn hevði mist ein tingsess og fingið tveir.
Miðflokkurin hevði varðveitt báðar sínar tingsessir, og heldur ikki í hesi kanningini hevði Sjálvstýri vunnið upp um tinggáttina.
500 fólk eru spurd í kanningini, sum var gjørd 5. desember. Óvissan er 3,3 prosent.
Sambandsflokkurin 28 prosent
Kanningin vísir, at Sambandsflokkurin hevði fingið góð 28 prosent av atkvøðunum úr øllum landinum, var val nú.
Fólkaflokkurin hevði fingið góð 26 prosent av atkvøðunum, Javnaðarflokkurin 18,7 prosent, Sjálvstýri 1,8 prosent, Tjóðveldi 13,7 prosent, Framsókn 5 prosent, og Miðflokkurin hevði fingið 6,4 prosent av atkvøðunum.
Fólkaflokkurin framgongd í Havn
Spyr.fo spurdi eisini, hvat veljararnir í Tórshavnar kommunu høvdu valt, var val nú.
Úrslitið vísir, at 22 prosent høvdu valt Fólkaflokkin, og tað eru 11 prosentstig fleiri enn á valinum fyri einum ári síðani.
Sambandsflokkurin hevði fingið 25 prosent av atkvøðunum í Tórshavnar kommunu, níggju prosentstig fleiri enn á valinum.
Tórshavnar kommunan í mun til restina av landinum |
|||||||||
Allir veljarar | Tórshavnar kommuna | Broyting frá LV22 | Restin av Føroyum | Broyting frá LV22 | |||||
Fólkaflokkin | 26,1% | 22 % | 11 % | 29 % | 4 % | ||||
Sambandsflokkin | 28,1% | 25 % | 9 % | 30 % | 7 % | ||||
Javnaðarflokkin | 18,7% | 22 % | -8 % | 16 % | -7 % | ||||
Sjálvstýri | 1,8% | 1 % | 0 % | 2 % | -1 % | ||||
Tjóðveldi | 13,9% | 17 % | -6 % | 12 % | -2 % | ||||
Framsókn | 5,0% | 10 % | -3 % | 2 % | -2 % | ||||
Miðflokkin | 6,4% | 3 % | -2 % | 8 % | 1 % | ||||
Óvissa: upp til 3,3% | Óvissa: upp til 4,9% | Óvissa: upp til 4,5% | |||||||
Javnaðarflokkurin stóra afturgongd í Havn
Javnaðarflokkurin hevði fingið 22 prosent, sum eru átta prosentstig færri enn á valinum.
Færri høvdu eisini valt Tjóðveldi í Tórshavnar kommunu enn fyri einum ári síðani, 17 prosent, sum eru seks prosentstig færri enn á løgtingsvalinum.
Framsókn hevði fingið 10 prosent, sum eru trý prosentstig færri enn á valinum, og Miðflokkurin hevði fingið trý prosent av atkvøðunum í høvuðsstaðarkommununi, sum eru tvey prosentstig færri enn á løgtingsvalinum.
Sjálvstýri hevði fingið eitt prosent av atkvøðunum í Tórshavnar kommunu.
-------------------
Hvønn hevði tú valt?
Sum eina lítla roynd, so hava vit eina lítla atkvøðugreiðslu millum tykkum lesarar her á kvf.fo.
Hvønn høvdu tit valt, um løgtingsval var í dag?
!!!Gevið gætur, at hendan atkvøðugreiðsla hevur einki við veljarakanningina hjá Spyr.fo at gera, og hendan atkvøðugreiðslan er á ongan hátt vísindaliga ella á annan hátt eftirfarandi.