Busssteðgistøðini í Føroyum eru ógvuliga ymisk

07-12-2023

Summi busssteðgistøð eru prýðilig við serføroyskum dámi, onnur vesalig og tykjast ikki eiga nakran góðan.

Rasmus Steintórsson Biskopstø veit tað, ið vert er at vita um føroysku busssteðgistøðini, tí hann fekk uppgávuna frá Strandfaraskipum Landsins at skráseta tey øll.

Í tí sambandi hevði hann eina PechaKucha framløgu undir heitinum "Eitt steðgistað og annað".

Hon kann síggjast á hesum leinki.

Rasmus sigur, at hægri raðfest almenn samferðsla kanska kann dempa okkara ómettiliga tørv eftir tunlum, vegum og parkeringsplássum og samstundis skapa gróðrarlíkindi fyri fleiri sosialum almennum støðum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.

Samband: gmf@kvf.fo, telefonnummar +298 347500