Bjarni og Bjørk vunnu seg í Final 4

Bjørk Nolsøe Isaksen og Bjarni Joensen spældu seg um vikuskiftið í Final 4 í donsku steypakappingini í flogbóti.

Bjørk Nolsøe Isaksen og ASV Elite, sum liggja á 2. plássi í landskappignini, vunnu greiðan 3-0 sigur á ASV Aarhus 2 í fjórðingsfinaluni og skulu spæla ímóti Brøndby VK í hálvfinaluni. Í hinari hálvfinaluni spæla Holte IF og Gentofte Volley.

Liðið hjá Bjarna Joensen, Ikast KFUM, sum annars liggur á næstaftasta plássi í landskappingini, tóku tey flestu á bóli við 3-2 sigri á Vestsjælland VK, og nú bíðar Nordenskov UIF í hálvfinaluni. Møgulig finalumótstøðulið eru Odense Volleyball og Gentofte Volley, sum spæla í hinari hálvfinaluni.