- Tíðindi, mentan og ítróttur
4,5 milliónir krónur eru tøkar at søkja til filmsgerð
4,5 milliónir krónur eru tøkar at søkja til filmsgerð
Nú ber til at søkja um stuðul til filmsgerð. Latið er upp fyri fyrra stuðulsumfari fyri 2024, boðar mentamálaráðið frá
Mynd: úr "Summarnátt"
19.12.2023 - 16:30
Almanna- og mentamálaráðið lýsir við møguleikanum at søkja um stuðul til film í fyrra umfari 2024.
Stuðulin kann veitast til ymsar tættir innan filmsgerð, undir hesum hugskots- og handritsmenning, undanframleiðslu, framleiðslu, eftirframleiðslu og útbreiðslu.
Stuðulin kann verða játtaður einstaklingum, bólkum ella feløgum.
Freistin at søkja er 1. februar 2024.
4,5 mió. kr.
Á løgtingsfíggjarlógini fyri 2024 eru 4,5 milliónir krónur settar av til endamálið.
Allar umsóknir skulu skrivast á serstakt umsóknarblað til endamálið og skulu sendast sum word ella pdf-skjal.
Umsóknarblaðið kann heintast her.
Umsóknir verða at senda til: Almanna- og mentamálaráðið, Eirargarður 2, FO-100 Tórshavn, t-postur: ammr@ammr.fo.
Nýggjastu sendingar í ÚV
Nýggjastu sendingar í SV