Pumpurnar pumpa 2400 tons av vatni úr Sandoyartunlinum um samdøgrið

Hóast um nógv er gjørt fyri, at so lítið vatn sum yvirhøvur gjørligt skal leka inn í Sandoyartunnilin, so renna umleið 2.400 tons av vatni inn í tunnilin um samdøgrið. 

Sandoyartunnilin dagin áðrenn

Fyri at bera í bøtuflaka við hesum og tryggja, at vatnið verður fingið út aftur, so hevur KJ Hydraulik sett 15 turrpumpur og seks dykkpumpur upp í teimum fimm pumpurúmum, sum eru í Sandoyartunlinum. 

Sandoyartunnilin fyllist ongantíð

Í tíðindaskrivi staðfestir KJ Hydraulik, at pumpurnar tryggja, við stórum trygdarfaktori, at tunnilin ongantíð fyllist við vatni. 

Skipanin er ein sokallað trinpumping, ið merkir, at møguleiki er at velja um vatnið skal pumpast úr botninum og niðan til Sandoynna ella ímóti Gomlurætt.

Sandoyartunnilin dagin áðrenn

KJ Hydraulik skrivar eisini, at vatnið verður samlað so ovarlaga í tunlium sum tilber fyri at spara orku.