Føroyskir tónleikarar, sum verða stroymdir fleiri enn 100.000 ferðir um mánaðin á Spotify, eru í einum ógvuliga avmarkaður skara.

Ein teirra er Olvheðin Jacobsen, sum í tónleikahøpi nevnist, Olly Jacobs.

Í fjør var hann við í donsku X-factor kappingini. Har eydnaðist honum at koma í 6-Chair Challenge.

Hóast hann stóð seg ógvuliga væl, endaði X-Factor ævintýrið har.

Tað var kortini ikki til fánýtist, tí X-Factor luttøkan var spírin til eitt nýtt samstarv.

Ein, ið starvast hjá felagnum Universal Music, var millum teirra, ið valdi luttakarar út til X-Factor. Hon hevði lagt til merkis góðu røddina hjá Olvheðini.

Tá Universal seinni hevði brúk fyri einum sangara til eina nýggja verkætlan, sendi hon Olvheðini ein fyrispurning.

Hann tók av, og úrslitið higartil er, at tveir jólasangir eru komnir á marknaðin, og teir hava veroð stroymdir fleiri hundraðtúsund ferðir.

Vita Olly Jacobs á Instagram á hesum leinki.