Ikki álvarsligt hjá Óla

Hondbóltsúrmælingurin Óli Mittún fór skaddur av vøllinum tá svenska lið hansara Sävehof spældi dyst í heimligu kappingini í dag. Svenska heimasíðan Handbollskanalen skrivar, at dysturin knapt nokk var byrjaður tá føroyski leikarin lá á gólvinum og krøkti seg saman av pínu, eftir hann lendi heldur illa á høgra fóti. Óli mátti hjálpast av vøllinum, og fekk ikki spælt meira í dag.
Og nú EM-endaspælið stendur fyri durðum, kemur ein skaði til Óla Mittún sera illa við, men tíbetur sær EM-luttøkan hjá Óla Mittún ikki út til at vera í vanda, sigur Julian Johansen, hjálparvenjari hjá landsliðnum.

- Svenska felagið væntar Óla Mittún tøkan aftur longu 30. desember, sigur Julian Johansen.