Stóðu stinnir ímóti Sagosen

Vilhelm Poulsen stóð sum ein klettur í føroysku verjuni, sum saman við málverjunum báðum megnaði at halda Norra niðri á 26 málum.

Tá tað so eydnaðist at skjóta 26 mál í hinum endanum, gjørdist úrslitið ein søguligur javnleikur ímóti einum av sterkastu hondbóltstjóðunum síðstu árini.

 - Teir spæla ímóti Føroyum, og teir skulu vinna dystin, segði Vilhelm Poulsen eftir dystin.

 -  - Hetta eru fyrsta floks spælarar, sum spæla á hægsta stigi. Teir eru tungir at taka ímóti, men eg haldi, at vit kláraðu tað gott í dag, segði bakkurin eftir dystin.