Atlantsflog harmast um vantandi kunning

16.01.2024 - 20:08

Innlendis

Jóhanna á Bergi, stjóri í Atlantsflogi, harmast um, at kunningin ikki hevur verið nøktandi, nú fleiri føroysk ferðafólk eru strandað í Bergen á veg heim úr Berlin.

Hilmar Jan Hansen

0 seconds of 0 secondsVolume 90%

00:00

Kavi bæði í Vágum og rundan um okkum tarnar flogferðsluni

– Vit hava havt torført við at fáa upplýsingar frá okkara samstarvspartnara í Bergen, ið skal taka sær av okkara flogførum, sigur hon.

– At tað so er gingið út yvir kunningina til ferðafólkini, harmast vit almikið um. Vit royna at kunna, so skjótt sum vit hava kunning.

Jóhanna á Bergi vísir á, at tey í dag hava havt eini 800 fólk “on hold” í allan dag, og at tey í morgin hava onnur 1.200-1.300 fólk, ið skulu flúgva heim.