Góð inniluft.

Vit geva okkum møguliga ikki so nógv far um tað, men so skjótt inniluftin ikki er góð, ja so gerast vit varug við trupulleikan. Vit kunnu gerast móð, fáa høvuðpínu, hava trupult við at hugsavna okkum og so framvegis.

Fyrr í vikuni var Formaðurin í Lærarafelagnum í tíðindunum og fortaldi, at í fleiri skúlum kring landið er inniluftin ikki nóg góð.

Men hvussu tryggjar tú tær, at inniluftin er nóg góð - bæði á arbeiðsplássi, í skúla og heima við hús?

Anna Thomsen er byggitøkningur og orkuverkfrøðingur. Í morgunsendingini fortelur hon, hvussu tú tryggjar tær góða inniluft.