Ársins fyrsti tingfundur í dag

Fyrsti tingfundurin í ár er í dag.

Tingið skal viðgera uppskotini hjá landsstýrinum um brekumboð og um at broyta lógina um Húslánsgrunnin, so Bústaðir fáa størri heimildir.

Ætlanin er at kommunur skulu sleppa at stovna almannagagnlig bústaðafeløg saman við Húsalánsgrunninum.

Og Húsalánsgrunnurin sleppur at læna 350 mió. kr. aftrat, so grunnurin fær heimild til at læna eina milliard og 50 milliónir krónur til at fíggja bústaðabygging.

Lógaruppskotið sigur eisini, at Húsalánsgrunnurin kann fara uttanlands at læna pening.

Sambært uppskotinum skal parturin hjá kommunum í almannagagnligum bústaðafelag vera millum 10 og 20 prosent.

Og tingið skal atkvøða um uppskotið hjá Sambandsflokkinum um verjusemju og uppskotið hjá løgtingsgrannskoðarum um landsroknskapin fyri 2022.

Tingfundurin í dag er klokkan 11.00.