- Munurin er ómetaliga stórur.

Soleiðis sigur Leif Abrahamsen, stjóri á Gjaldstovuni, um munin at vera stjóri í dag og fyri 30 árum síðani.

Á Leiðaradegnum í fjør gjørdist Leif Abrahamsen ársins leiðari í almenna geiranum.

- Tá eg byrjaði í stjórasessinum sum 32 ára gamal vildu starvsfólkini siga tygum við meg, men tað dámdi mær als ikki. Harafturat komu øll til mín við alskyns spurningum. Í dag er tíbetur øðrvísi, og mær dámar tað væl, sigur Leif Abrahamsen.

Í morgunsendingini tosar Leif Abrahamsen sum leiðslu, stjórastarvið og starvsfólk upp gjøgnum tíðirnar. Eisini greiðir Johnny í Grótinum frá nútímans leiðslu og dagsins arbeiðsmarknaði.
 

Fríggjadagin 26. januar verða ársins leiðarar kosnir, tá leiðaradagurin verður hildin fyri 20. ferð.