Framvegis færri bilar - men fleiri innfluttir brúktir bilar

Gongdin í bilasøluni heldur fram í nýggja árinum.

Í januar vóru skrásett 64 akfør, 21 færri enn í januar í fjør.

Tað er ein fjórðingur.

Og tað eru, enn sum fyrr, persónbilarnir, sum eru færri. 

Teir eru 20 færri enn í januar í fjør, upplýsa tølini hjá Akstovuni.

Teir vóru 37 í januar í ár.

Brúktir bilar

Men áhugavert er, at 26 brúktir persónbilar vóru innfluttir í januar. Teir vóru bara tveir í januar í fjør.

Vøksturin er nevniverdur. Hann er 1200 prosent.

Næstan 12 prosent færri nýggj akfør blivu skásett í Føroyum í fjør enn í 2022.

Men innfluttu brúktu akførini vóru fleiri í fjør enn í 2022.

Her eru tølini tó ikki stór. 297 akfør í fjør og 271 í 2022.