Heim, kæra heim: Nýggj lívsstílssending

Hóskvøldið byrjar nýggj og áhugaverd lívsstílssending, sum eitur "Heim, kæra heim". 

Í sendingini fara vit á gátt í ymsum húsum kring landið, sum øll eru á áhugaverd á hvør sín hátt. Í fyrsta parti vitja vit í Nólsoy, í Syðrugøtu og á Sandi. 

Eitt býli í Nólsoy við nógvari søgu

Nólsoy Heim, kæra heim

Caption: 

Skíggjamynd úr fyrsta parti av Heim, kæra heim. Mitt í Nólsoyar bygd standa eini sjarmerandi hús, og har búgva Nicolaj Falck og Aðalbjørg Linklett.

Hvussu hevði verið, um tú og familjan skuldu búð í tveimum lonum frá ár umleið 1860?

Mitt í Nólsoyar bygd standa tvær gamlar lonir, sum í dag eru bygdar saman. 

Tað er Nicolaj Falck, sum hevur umvælt lonirnar. Hann og konan, Aðalbjørg Linklett, búgva tí í dag í einum húsum, har endurnýtsla er í hásæti, og har so at siga alt hevur eina søgu.

Arkitektteknaðu húsini ganga út í eitt við lendið

Heim, kæra heim Syðrugøta

Caption: 

Tey svørtu húsunum, sum ganga út í eitt lendi, hevur Ósbjørn Jacobsen teknað. Her býr hann eisini saman við familjuni.

Arkitekturin Ósbjørn Jacobsen hevur teknað mangar stórslignar bygningar. Eitt nú hevur hann teknað Hørpuna í Íslandi, Biskupstorg í Klaksvík og býráðshúsið í Norðragøtu.

Og so hevur hann eisini teknað síni egnu sermerktu sethús, sum standa í Syðrugøtu, og sum ganga út í eitt við lendi.

Ósbjørn býr saman við familju síni í serstøku húsunum, sum eitt nú hava Føroya kanska bíligastu borðplátu, sum arkitekturin sjálvur hevur gjørt við kønari hjálp frá Youtube.

Umvælda frítiðarperlan á Sandi

Heim kæra heim á Sandi

Caption: 

Hesa summarhúsperluna eiga Ingun Eiriksdóttir og Heini Weihe.

Í Trøðum á Sandi hava Ingun Eiriksdóttir og Heini Weihe eini frítíðarhús. Upprunaliga vóru húsini, sum stóðu á grundøkinum, frá umleið 1900, men tá Ingun og Heini keyptu húsini í 2013, byrjaði ein stór umvæling - størri enn ætlað.

Úrslitið er, at tey í dag hava eini frítíðarhús, sum eru gjørd við íblástri frá gomlu roykstovuni. Her snýr tað seg um at vera saman og koma í feriuhýr.

Hóskvøldið eftir Dagur og viku er fyrsti partur av trimum í sjónvarpinum og á heimasíðu okkara. Her sært tú ein brellbita.