Johanna skiftir motor og hekku

“Johanna TG326” stendur á beding í Vági, tí har er eisini nógv annað arbeiði, ið verður gjørt.

Millum annað er eydnast at fáa tvær milliónir krónur frá danska statinum til at umvæla hekkuna, sum er í sera vánaligum standi:

- Meginparturin av afturskipinum verður gjørdur av nýggjum, sigur Guðmundur Kárason Jacobsen er formaður í felagnum, ið varar av “Johannu TG 326”

- Tá ið nú høvuðsmotorurin verður skiftur, hava vit gjørt av eisini at skifta ljósmotorin, ið somuleiðis treingir til at verða skiftur út.