- Tíðindi, mentan og ítróttur
Semingsroyndin byrjar í næstu viku
Semingsroyndin byrjar í næstu viku
Tíggju fundir hava verið millum KAF og Skipara- og navigatørfelagið, men samráðingarnar bóru ikki mál
Semingsstovnurin er komin upp í sáttmálatrætuna millum KAF og Skipara- og navigatørfelagið um havnarmeistarar og havnarumsjónarfólk. (Savnsmynd: Bjarni Árting Rubeksen)
26.02.2024 - 09:52
Semingsroyndin millum Kommunala arbeiðsgevarafelagið og Skipara- og navigatørfelagið byrjar seinnapartin í næstu viku.
Semingsstovnurin er boðsendur til at royna at loysa trætuna millum feløgini um nýggjan sáttmála til havnarmeistarar og havnarumsjónarfólk.
Tíggju fundir hava verið millum partarnar. Krøvini vóru latin 5. september í fjør.
16. januar boðaði Kommunala arbeiðsgevarafelagið frá, at tað gavst við samráðingunum.
Partarnir vóru samdir um at senda boð eftir Semingsstovninum.
Er kopiera
Nýggjastu sendingar í ÚV
Nýggjastu sendingar í SV
