- Tíðindi, mentan og ítróttur
12 milliónir í skipasmiðjustuðli til nýggja trolaran
12 milliónir í skipasmiðjustuðli til nýggja trolaran
Sambært lógini kann landsstýrið lata skipasmiðjum átta prosent í studningi av sáttmálaprísinum
Nýggi ísfiskatrolarin hjá Varðanum skal eftir ætlan verða liðugur á sumri í 2026.
28.02.2024 - 12:20
Tað fer at kosta landskassanum nakrar milliónir, nú Mest skal byggja frystitrolara fyri Varðan.
Ein lóg sigur, at landsstýrið kann lata føroyskum skipa- og bátasmiðjum átta prosent í studningi av sáttmálaprísinum til at byggja og umbyggja flótandi eindir, sum tað stendur í lógini.
Studningur til nýbygging kann latast, tá sáttmálaprísurin er 300.000 kr. ella meira.
Trolarin hjá Varðanum fer at kosta okkurt um 150 mió. kr., so hann skal hava 12 mió. kr. í studningi, átta prosent av prísinum.
Umsókn um stuðul skal sendast Vinnuframagrunninum, áðrenn farið verður at byggja.
Játtanin í ár er 5,2 mió. kr., 1,4 mió. kr. meira enn í fjør.
Er kopiera
Nýggjastu sendingar í ÚV
Nýggjastu sendingar í SV
