Finaluplássið hjá kvinnum upp á spæl

Í kvøld tekur Fleyr ímóti SÍ í bestu flogbóltsdeildini við kvinnum.

Liðini liggja ávíkavist nummar tvey og trý við 25 og 24 stigum, og dysturin kann tískil fáa avgerandi týdning fyri FM-finaluplássini. 

Dráttur, sum vann steypakappingina síðsta vikuskiftið, liggur fremst við 31 stigum, og alt bendir á, at vágakvinnur vera annað liðið í finaluni um FM-heitið.

Hvørjum tær skulu spæla ímóti kann dysturin í kvøld sostatt geva eina greiða ábending um. 

Sørvingar hava vunnið báðar dystirnar ímóti Fleyr í ár, 3-1 og 3-2, men báðu ferð var SÍ á heimavølli.