Jógvan Skorheim í Fólkaflokkin

Jógvan Skorheim er í dag blivin partur av Fólkaflokkinum. Hann bleiv valdur á løgting fyri Sjálvstýri í 2011, og fýra ár seinni bleiv hann formaður í flokkinum. Eisini hevur hann verið borgarstjóri í Klaksvík í átta ár, frá 2013 til 2020, og hann situr framvegis í Klaksvíkar Býráð. Í 2021 fór Jógvan Skorheim frá sum formaður fyri Sjálvstýri, og hann meldaði seg samstundis úr flokkinum. Jógvan Skorheim stillaði ikki upp til løgtingsvalið í 2022.

Hóast átta ár sum borgarstjóri í Klaksvík vil Jógvan Skorheim ikki siga beinleiðis, at hann fer eftir borgarstjórasessinum á kommunuvalinum í november.

-Fyrst og fremst snýr tað seg um at styrkja Fólkaflokkin, sigur Jógvan Skorheim.

Sambært honum vil úrslitið av kommunuvalinum gera av, um hann seinni fer at stilla upp til løgtingsval.