- Tíðindi, mentan og ítróttur
VIDEO: Team Lyra fekk frálíkt úrslit í Finnlandi
Team Lyra úr Ljósinum endaði á fimta plássi í World Cup kappingini í Finnlandi um vikuskiftið.
Team Lyra kom úr innleiðandi kappingini í finaluna á fjórða plássið, og hetta er besta úrslitið, sum eitt føroyskt lið hevur fingið í eini altjóða A-kapping.
Framførðslan í finaluni gekk ikki eins væl, men kvinnurnar úr Ljósinum eru kortini væl nøgdar við avrikið, og at tað eydnaðist at røkka 23 stigum báðar dagarnar.
Hulda úr Havnar Fimleikafelag endaði á 8. plássi av teimum 11 liðunum, sum komu í finaluna.
Unglingaliðini Mira úr Havnar Fimleikafelag og Rósan úr Støkk, vóru við í Challenge Cup. Mira endaði nummar sjey, 0,7 stig frammanfyri Rósuna, sum endaði á áttanda plassi.
