Sparast skal í rakstrinum á fíggjarlógini

Fíggjarmálaráðið sigur, at átøk fyri 35 milliónir kr. skulu setast í verk á fíggjarlógini fyri næsta ár.

Kortini verður roknað við einum halli upp á 12,6 milliónir, eftir at tiltøkini eru sett í verk.

Tað stendur í uppskotinum til samtyktar um játtanarkarmar fyri 2025, sum er lagt fyri tingið í dag.

Ein orsøk til, at hall verður á fíggjarlógini er, at peningur, sum skal í Búskapargrunnin, ikki verða skrásettur sum inntøka á fíggjarlógini longur. Hetta hevur Búskaparráðið víst á fleiri ferðir.

Ruth Vang, landsstýriskvinna, sigur, at hóast inntøkurnar eru vaksnar, og tíðirnar framvegis eru góðar, stendur ikki so væl til í landskassanum. 

Átøkini, sum ætlanin er at seta í verk á figgjarlógini, eru fyrst og fremst sparingar, sigur hon. 

Hoyr samrøðu, sum Sigrún Brend gjørdi við Ruth Vang í útvarpstíðindunum: