Eykavinningur í Gekkinum: Vinnaraseðilin funnin

Í Gekkasendingini í kvøld, fríggjakvøldið tann 22. mars 2024, var eisini drigið um stóra eykavinningin – tvey sett av føroyskum klæðum frá Marjun Heimá við einum virði upp á 70.000 krónur.

Vinnarin gjørdist Gekkaseðil nummar 573635. Seðilin er seldur á Magnstøðini í Miðvági. Nummarið sæst á fremstu síðu á Gekkinum, ovast til vinstru. 

Allir seðlar seldir til dráttirnar tann 8. mars og 15. mars vóru við í dráttinum um eykavinningin. 

Vinnarin kann seta seg í samband við Kringvarpið skjótast gjørligt.