- Tíðindi, mentan og ítróttur
Makrelur: Landskassin bert fingið 48 mió. kr.
<div>48 milliónir og 233.000 krónur. </div><div><br></div><div>Tað hevur landskassin fingið higartil í ár fyri makrelin. Í vár ætlaði landsstýrið sær 128 milliónir frá makrelinum. Við nýggjastu tølunum hjá Fiskiveiðueftirlitinum hevur Útvarpið roknað út, at góðar 48 milliónir eru komnar í veiðigjaldi og avreiðingargjaldi. Fiskað eru 83.730 tons. </div><div><br></div><div><b>Ætlaði sær 10 ferðir meira</b></div><div><br></div><div>Útlendsku móttøkuskipini, Kai Yu og Kai Li, hava keypt 3800 tons, sum geva landskassanum 7,6 milliónir kr. í avreiðingargjaldi. Landsstýrið ætlaði sær tíggju ferðir meira í avreiðingargjaldi í ár.</div><div><br></div><div>Veiðigjaldið, 25 oyru fyri kilo upp til 3.000 tons, gevur 11 milliónir og 082.250 krónur fyri 44.329 tons. Nøkur skip hava fiskað 3.000 tons ella meira, tilsamans 39.401 tons. Her er veiðigjaldið 75 oyru fyri kilo. Tey geva 29 milliónir og 550.750 kr. Tilsamans 48,23 milliónir higartil. </div><div><br></div><div><b>Er enn í føroyskum sjógvi</b></div><div><br></div><div>Makrelurin er enn í føroyskum sjógvi, men hann er báðum megin við fiskimarkið til ES, í ein landnyrðing úr Føroyum. Norsk skip fiska hinu megin markið. </div><div><br></div><div>Tróndur í Gøtu landar 1830 tons til Varðan Pelagic á Tvøroyri. Sambært reiðaríinum er hetta størsta lastin higartil av feskum fiski, sum er landað til matna í Føroyum. Tróndur í Gøtu hevur 1510 tons av makreli og 320 tons av sild. </div><div><br></div><div>Hesin túrurin vardi bara hálvt annað samdøgur. Skipini fáa 5,75 kr. fyri kilo av makreli á Tvøroyri. </div><div><br></div><div><b>Geva leyst á midnátt</b></div><div><br></div><div>Á midnátt í kvøld verður givið leyst at fiska makrel hjá øllum, sum hava fiskiloyvi. Tá verða allar avmarkingar millum skipabólkarnar og hámarkið fyri einstøk skip tikin burtur. Skip kunnu fiska av felagskvotum, sum tey í dag til á midnátt, ikki sleppa framat. </div><div><br></div><div>Og enn eru hálvt hundrað túsund tons eftir av føroysku heildarkvotuni. </div><div><br></div>
