Frítekst tagging:
- Tíðindi, mentan og ítróttur
Hanus Sørensen: Teir fáa tvey býtt mál
Hanus Sørensen: Teir fáa tvey býtt mál
Høgri bakkurin hjá Føroyum, Hanus Sørensen, iðraði seg um tey bæði málini hjá Danmark, men var annars hampiliga væl nøgdur við føroyska avrikið
26.03.2024 - 21:58
- Teir fáa tvey eitt sindur for býtt mál.
Tað segði høgri bakkurin hjá føroyska fótbóltslandsliðnum við monnum, Hanus Sørensen, eftir 2-0 tapið fyri Danmark í venjingardysti á Brøndby Stradion týskvøldið.
Hann var annars toluliga væl nøgdur við avrikið hjá landsliðnum.
- Vit standa okey til tíðir, og vit eru eitt sindur meira 'på dupperne', enn vit hava verið í kvalifikatiónini [í fjør, red.] Vit eru meir álopssinnaðir... og vit hava nógvar spælarar sum tora at taka bóltin til sín og gera meir enn at spæla aftur eftir, segði Hanus Sørensen.
Pierre-Emile Højbjerg legði Danmark framum tíðliga í fyrra hálvleiki, tá Gunnar Vatnhamar misti bóltin stutt frá føroyska málinum, og eftir steðgin økti innskifti Mohamed Daramy.
Er kopiera
Nýggjastu sendingar í ÚV
Nýggjastu sendingar í SV
